Futbol bo‘yicha Germaniya chempionatining 25-turida “Bavariya” 8-mart, yakshanba kuni “Augsburg”ga qarshi bahs olib bordi.
Ikkinchi bo‘lim debyutida Tomas Myuller myunxenliklarning dastlabki golini urdi. Hakam tomonidan qo‘shib berilgan vaqtda Leon Goretska hisobni 2:0 ko‘rinishiga keltirdi.
Ushbu g‘alabadan keyin “Bavariya” ochkolarini 55 taga yetkazib olgan holda peshqadamlikni mustahkamladi va eng yaqin ta’qibchisini to‘rt ochkoga ortda qoldirmoqda.
Bundesliga
25-tur bahsi
8-mart, yakshanba
“Bavariya” — “Augsburg” 2:0
Gollar: 1:0 – 53 Myuller, 2:0 – 90+1 Goretska.“Bavariya”: Noyer, Pavar, Alaba, Boateng, Kimmix, Alkantara (Martines, 85), Devis, Koutinyo (Lyuka Ernandes, 85), Gnabri, Zirkzee (Goretska, 70), Myuller.
“Augsburg”: Lyute, Yedvay (Uduoxay, 80), Maks (Vargas, 67), Gaueleu, Yago, Bayer, Leven (Finnbogason, 76), Rixter, Xedira, Framberger, Niderlexner.
Ogohlantirish: Alkantara (85).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)