8-mart, yakshanba kuni, Iordaniyaning Amman shahrida Tokio—2020 Olimpiadasiga yo‘llanma beruvchi litsenzion musobaqa doirasida navbatdagi janglar o‘tkazilmoqda.
-91 kilogramm vaznda ringga chiqayotgan o‘zbekistonlik Sanjar Tursunovga chorak finalda eronlik Tufan Sharifi raqiblik qildi. Hakamlar 3 raund yakuniga ko‘ra, Sanjarning g‘alabasini qayd etdi.
Shu tariqa Tursunov 2020-yil yozida Tokioda o‘tadigan Olimpiada o‘yinlariga yo‘llanmani qo‘lga kiritdi va litsenzion musobaqaning yarim finaliga chiqdi.
Eslatib o‘tamiz, avvalroq o‘zbekistonlik bokschilar orasida birinchi bo‘lib -69 kilogramm vazn toifasi vakili Bobousmon Boturov ham Olimpiadaga yo‘llanmani qo‘lga kiritgandi.
Izoh (0)