O‘zbekiston transport vaziri Elyor G‘aniyev Boeing kompaniyasi vitse-prezidenti Gregori Lekston bilan uchrashdi. Bu haqda Transport vazirligi xabar berdi.
Ma’lum qilinishicha, uchrashuvda ikki tomonlama hamkorlik aloqalarini kengaytirish masalalari muhokama etildi. Gregori Lekston O‘zbekiston mintaqadagi mamlakatlar orasida aviaparkida Boeing 787 Dreamliner samolyotlari eng ko‘p davlat ekanligini alohida qayd etdi.
Transport vaziri Elyor G‘aniyev Boeing kompaniyasi bilan o‘zaro ishonchli va samarali hamkorlik aloqalarini yanada kengaytirish, bu yo‘nalishda birgalikda ishlash har ikki tomon uchun ham manfaatli bo‘lishini ta’kidladi.
Avvalroq Uzbekistan Airways to‘rtta Boeing samolyotini sotuvga qo‘ygani haqida xabar berilgan edi. Shuningdek, internetda O‘zbekiston Prezidenti uchun maxsus tayyorlangan Boeing 787-800 Dreamliner samolyotining ilk suratlari paydo bo‘lgan edi. Shu vaqtga qadar O‘zbekiston beshta Boeing 787-8 Dreamliner samolyotini sotib olgan.
Izoh (0)