UEFA Millatlar Ligasining 2020/21-yilgi mavsum guruh bosqichiga qur’a tashlandi

2020-yil, 3-mart kuni Niderlandiya poytaxti Amsterdam shahrida futbol bo‘yicha UEFA Millatlar Ligasi 2020/21-yilgi mavsumi guruh bosqichiga qur’a tashlash marosimi bo‘lib o‘tdi.

Ko‘​hna qit’​a terma jamoalari uchun o‘rtoqlik uchrashuvlari o‘rnini egallagan hamda jamoalarga o‘z darajasi bo‘yicha teng bo‘lgan raqib bilan o‘ynash imkonini beruvchi mazkur musobaqa ikkinchi bor o‘tkaziladi.

Navbatdagi musobaqa 2022-yilgi Jahon Chempionatining saralash bosqichi bilan uzviy bog‘liq bo‘lib, terma jamoalarga final bosqichiga chiqish uchun qo‘shimcha imkoniyat taqdim qiladi.

Musobaqada Yevropaning 55 jamoasi ishtirok etadi. UEFA Millatlar Ligasi ilk mavsumidan keyin 2020/21 yilgi musobaqani yangi fortmatda o‘tkazish haqida qaror qabul qilingan edi. Unga ko‘​ra endilikda “A”, “B” hamda “C” Ligalarida 16 tadan jamoa qatnashsa, “D” Ligasida 7 ta jamoa o‘zaro bahs olib boradi.

Eslatib o‘tamiz, musobaqaning amaldagi g‘olibi Portugaliya terma jamoasi hisoblanadi.

2020/21-yilgi Millatlar Ligasi guruh bosqichi qur’a natijalari bilan tanishing.

“A” liga

• 1-guruh: Polsha, Bosniya va Gersegovina, Italiya, Niderlandiya.
• 2-guruh: Islandiya, Daniya, Belgiya, Angliya.
• 3-guruh: Xorvatiya, Shvetsiya, Fransiya, Portugaliya.
• 4-guruh: Germaniya, Ukraina, Ispaniya, Shveysariya.

“B” liga

• 1-guruh: Ruminiya, Shimoliy Irlandiya, Norvegiya, Avstriya.
• 2-guruh: Isroil, Slovakiya, Shotlandiya, Chexiya.
• 3-guruh: Vengriya, Turkiya, Serbiya, Rossiya.
• 4-guruh: Bolgariya, Irlandiya, Finlyandiya, Uels.

“C” liga

• 1-guruh: Ozarbayjon, Lyuksemburg, Kipr, Chernogoriya.
• 2-guruh: Armaniston, Estoniya, Makedoniya, Gruziya.
• 3-guruh: Moldova, Sloveniya, Kosovo, Gretsiya.
• 4-guruh: Litva, Qozog‘iston, Belarus, Albaniya.

“D” liga

• 1-guruh: Malta, Andorra, Latviya, Farer orollari.
• 2-guruh: San Marino, Lixtenshteyn, Gibraltar.

• 1-tur: 3—5-sentabr 2020-yil
• 2-tur: 6—8-sentabr 2020-yil
• 3-tur: 8—10-oktabr 2020-yil
• 4-tur: 11—13-oktabr 2020-yil
• 5-tur: 12—14-noyabr 2020-yil
• 6-tur: 15—17-noyabr 2020-yil
• Final bosqichi: 2, 3 va 6-iyun 2021-yil
• O‘tish o‘yinlari: 24, 25, 28 va 29-mart 2022-yil