УЕФА Миллатлар Лигасининг 2020/21 йилги мавсум гуруҳ босқичига қуръа ташланди

2020 йил, 3 март куни Нидерландия пойтахти Амстердам шаҳрида футбол бўйича УЕФА Миллатлар Лигаси 2020/21 йилги мавсуми гуруҳ босқичига қуръа ташлаш маросими бўлиб ўтди.

Кў​ҳна қит’​а терма жамоалари учун ўртоқлик учрашувлари ўрнини эгаллаган ҳамда жамоаларга ўз даражаси бўйича тенг бўлган рақиб билан ўйнаш имконини берувчи мазкур мусобақа иккинчи бор ўтказилади.

Навбатдаги мусобақа 2022 йилги Жаҳон Чемпионатининг саралаш босқичи билан узвий боғлиқ бўлиб, терма жамоаларга финал босқичига чиқиш учун қўшимча имконият тақдим қилади.

Мусобақада Европанинг 55 жамоаси иштирок этади. УЕФА Миллатлар Лигаси илк мавсумидан кейин 2020/21 йилги мусобақани янги фортматда ўтказиш ҳақида қарор қабул қилинган эди. Унга кў​ра эндиликда «А», «Б» ҳамда «C» Лигаларида 16 тадан жамоа қатнашса, «Д» Лигасида 7 та жамоа ўзаро баҳс олиб боради.

Эслатиб ўтамиз, мусобақанинг амалдаги ғолиби Португалия терма жамоаси ҳисобланади.

2020/21 йилги Миллатлар Лигаси гуруҳ босқичи қуръа натижалари билан танишинг.

«А» лига

• 1-гуруҳ: Польша, Босния ва Герцеговина, Италия, Нидерландия.
• 2-гуруҳ: Исландия, Дания, Бельгия, Англия.
• 3-гуруҳ: Хорватия, Швеция, Франция, Португалия.
• 4-гуруҳ: Германия, Украина, Испания, Швейцария.

«Б» лига

• 1-гуруҳ: Руминия, Шимолий Ирландия, Норвегия, Австрия.
• 2-гуруҳ: Исроил, Словакия, Шотландия, Чехия.
• 3-гуруҳ: Венгрия, Туркия, Сербия, Россия.
• 4-гуруҳ: Болгария, Ирландия, Финляндия, Уэльс.

«C» лига

• 1-гуруҳ: Озарбайжон, Люксембург, Кипр, Черногория.
• 2-гуруҳ: Арманистон, Эстония, Македония, Грузия.
• 3-гуруҳ: Молдова, Словения, Косово, Греция.
• 4-гуруҳ: Литва, Қозоғистон, Беларусь, Албания.

«Д» лига

• 1-гуруҳ: Мальта, Андорра, Латвия, Фарер ороллари.
• 2-гуруҳ: Сан Марино, Лихтенштейн, Гибралтар.

• 1-тур: 3—5 сентябрь 2020 йил
• 2-тур: 6—8 сентябрь 2020 йил
• 3-тур: 8—10 октябрь 2020 йил
• 4-тур: 11—13 октябрь 2020 йил
• 5-тур: 12—14 ноябрь 2020 йил
• 6-тур: 15—17 ноябрь 2020 йил
• Финал босқичи: 2, 3 ва 6 июнь 2021 йил
• Ўтиш ўйинлари: 24, 25, 28 ва 29 март 2022 йил