Toshkent shahar hokimligida Singapurning Alpha Global Capital kompaniyasi mutasaddilari bilan uchrashuv bo‘lib o‘tdi. Unda chiqindilarni qayta ishlash yo‘nalishidagi ishlarni yangi bosqichga olib chiqish masalasi muhokama qilingan, deya xabar bermoqda poytaxt hokimligi matbuot xizmati.
Ta’kidlanishicha, Singapur kompaniyasi bugungi kunda qattiq va aralash turdagi chiqindilarni qayta ishlash natijasida ekologik toza o‘g‘itlar ishlab chiqarish, qurilish materiallari tayyorlash, shuningdek, suvni zararsizlantirish uchun qator texnologiyalarni ishlab chiqqan.
Poytaxt hokimligidan qayd etishilarcha, Alpha Global Capital taklif etayotgan texnologiyalar kichik hududlarga mo‘ljallangan bo‘lib, transport xarajatini talab etmaydi, atrof-muhitga zararli moddalarni chiqarmaydi, shuningdek, energiya tejamkordir.
“Suvni zararsizlantirish bo‘yicha takliflari kanallarning sanitar holatini yaxshilash va obodonlashtirish uchun foydali”, — deyiladi Toshkent shahar hokimligi axborotida.
Izoh (0)