Toshkentda mast erkak Milliy gvardiya xodimiga tan jarohati yetkazdi Bu haqda IIBB matbuot xizmati xabar berdi.
Ma’lum bo‘lishicha, 14-fevral, juma kuni, soat 23:00 da Shayxontohur tumani navbatchilik qismiga “Shodlik” mahallasidagi xonadonlardan birida janjal kelib chiqqani haqida xabar kelib tushgan. Voqea joyiga PPX va Milliy gvardiya xodimlari yetib borgan.
Xodimlar mast holatda qo‘lida pichoq ushlab turgan erkakni tinchlantirmoqchi bo‘lganida u Milliy gvardiya xodimiga tan jarohati yetkazgan.
Ular 25 yoshli B.A.ni qo‘lga olib, Shayxontohur tumani IIO FMB 8-son IIBga holatni atroflicha o‘rganish va qonuniy chora ko‘rish uchun olib borgan va uning muqaddam sudlangani aniqlangan.
Izoh (0)