10-fevral kuni Telegram’ning bir guruh faol blogerlar tomonidan yuritiladigan “Izoh kutamiz!” kanalida Andijon viloyati hokimligi matbuot xizmati rahbari Mirzohidjon Botirovga tegishliligi iddao qilinayotgan yozishmalar tarqaldi. Yozishmalarda kishining qadr-qimmatini tahqirlovchi so‘zlardan faol foydalanilgan, shuningdek, 15 sutkalik qamoq jazosini o‘tagan asakalik bloger Otabek Nuritdinov ishi bilan bog‘liq ba’zi tafsilotlar ochiqlangan.
Keyinroq hokimlik matbuot xizmati “xizmat rahbariga tegishli ‘Yoshlar olami’ akkaunti xakerlar hujumiga uchragani, Botirov 8-fevral kuniga kelib bundan xabar topgani va shu kunning o‘zidayoq viloyat prokuraturasiga ariza bilan murojaat qilgani” haqida rasmiy bayonot bilan chiqdi.
Voqea va uning ortidan berilgan bayonot ijtimoiy tarmoqlar va turli messenjerlarda muhokamalarga sabab bo‘lmay qolmadi. Twitter’da bayonot qanchalik kulgili ekanini izohlovchi yuzlab tvitlar paydo bo‘ldi. Quyida e’tiboringizga skrinshotlar keltirib chiqargan muhokamalarni havola qilamiz.
Twitter’da 7 mingdan ortiq followerga ega @eshonbova vaziyatni o‘ta kulgili izohladi.
@MenedjerUz’ning nimaga yoki kimga ishora qilayotgani tezpishar qovunlarga o‘rganib qolgan o‘quvchilarga sir bo‘lmasa kerak.
Yuqoridagi izohga, hech ikkilanmasdan, eng kreativ ta’rifini berish mumkin.
Navbatdagi tvitida @eshonbova voqealar rivojining keyingi bosqichini taxmin qilgan. Tafsilotlar aynan shu ko‘rinishda bo‘lmasa ham, shu yo‘sinda davom etishini ko‘pchilik taxmin qilmoqda.
Tarqalib ketgan yozishmalar skrinshotining oxirida matbuot xizmati rahbari o‘zini “budushiy hokim” deb atagan. Tvit, sezgan bo‘lsangiz kerak, aynan shunga ishora.
Navro‘zbek ismli foydalanuvchi munosabat bildirishda eng faollardan biri bo‘ldi.
@Eshonbova Otabek aka deganda aynan kimni nazarda tutayotganini taxminlay olmadik, shu sababdan buni o‘zingizga havola qilib qo‘ya qolishni ma’qul deb topdik.
Navbatdagi tvit muallifi xakerlarning bu ishi naqadar bema’nilik ekanini ta’kidladi.
Mashhur bloger Nurbek Alimov hodisani quyidagicha izohlaydi.
Yana bir faol bloger Nozim Safari ham hodisaga “o‘ziga xos” munosabat bildirib o‘tdi.
- Ha, @eshonbova, ha.
Navbatdagi tvit egasi xakerlarni negadir YXHT bilan bog‘ladi.
Jurnalist va huquqshunos-yurist Zafarbek Solijonov ham shaxsiy kanalida matbuot xizmati rahbari voqeasi haqida yozdi.
Yana bir bloger – Turonchi Nurqul “agar xakerlarning o‘rnida bo‘lganimda” chellenjini boshlab berdi.
“Kapgir” kanali ham o‘ziga xos izoh qoldirdi.
Yoshlar ittifoqining rasmiy Telegram-kanali “xaker” so‘zini kun so‘zi deya e’tirof etdi. Bu biz nazarda tutayotgan voqea aks-sadosi ekaniga shubha yo‘q.
“Fayzbog.uz” kanali tarqalgan suhbat skrinshotida aks etgan qo‘qonliklarga nisbatan haqorat qismiga e’tibor qaratibdi.
Ko‘zga ko‘ringan blogerlar: Zafarbek Solijonov, Nozim Safari, Temurmalik ham mabodo o‘z kanallarida yomon oqibatlarga olib keladigan postlar yozilsa, bunday harakatlar xakerlar tomonidan uyushtirilgan bo‘lishini yozdi.
“Uyushmagan yoshlar” ham jim qarab turmadi.
“Qishlaqi” kanali bir necha kun oldin Botirov sha’niga maqtov bilan yozilgan Facebook’dagi postni bayroq qilib chopyapti.
Xulosa qiladigan bo‘lsak, voqea yuzasidan qarashlar turlicha, tez orada rasmiylar munosabati e’lon qilinishini kutib qolamiz.
Izoh (0)