10 февраль куни Telegram’нинг бир гуруҳ фаол блогерлар томонидан юритиладиган «Изоҳ кутамиз!» каналида Андижон вилояти ҳокимлиги матбуот хизмати раҳбари Мирзоҳиджон Ботировга тегишлилиги иддао қилинаётган ёзишмалар тарқалди. Ёзишмаларда кишининг қадр-қимматини таҳқирловчи сўзлардан фаол фойдаланилган, шунингдек, 15 суткалик қамоқ жазосини ўтаган асакалик блогер Отабек Нуритдинов иши билан боғлиқ баъзи тафсилотлар очиқланган.
Кейинроқ ҳокимлик матбуот хизмати «хизмат раҳбарига тегишли ‘Ёшлар олами’ аккаунти хакерлар ҳужумига учрагани, Ботиров 8 февраль кунига келиб бундан хабар топгани ва шу куннинг ўзидаёқ вилоят прокуратурасига ариза билан мурожаат қилгани» ҳақида расмий баёнот билан чиқди.
Воқеа ва унинг ортидан берилган баёнот ижтимоий тармоқлар ва турли мессенжерларда муҳокамаларга сабаб бўлмай қолмади. Twitter’да баёнот қанчалик кулгили эканини изоҳловчи юзлаб твитлар пайдо бўлди. Қуйида эътиборингизга скриншотлар келтириб чиқарган муҳокамаларни ҳавола қиламиз.
Twitter’да 7 мингдан ортиқ фоллоwерга эга @eshonbova вазиятни ўта кулгили изоҳлади.
@MenedjerUz’нинг нимага ёки кимга ишора қилаётгани тезпишар қовунларга ўрганиб қолган ўқувчиларга сир бўлмаса керак.
Юқоридаги изоҳга, ҳеч иккиланмасдан, энг креатив таърифини бериш мумкин.
Навбатдаги твитида @eshonbova воқеалар ривожининг кейинги босқичини тахмин қилган. Тафсилотлар айнан шу кўринишда бўлмаса ҳам, шу йўсинда давом этишини кўпчилик тахмин қилмоқда.
Тарқалиб кетган ёзишмалар скриншотининг охирида матбуот хизмати раҳбари ўзини «будуший ҳоким» деб атаган. Твит, сезган бўлсангиз керак, айнан шунга ишора.
Наврўзбек исмли фойдаланувчи муносабат билдиришда энг фаоллардан бири бўлди.
@Eshonbova Отабек ака деганда айнан кимни назарда тутаётганини тахминлай олмадик, шу сабабдан буни ўзингизга ҳавола қилиб қўя қолишни маъқул деб топдик.
Навбатдаги твит муаллифи хакерларнинг бу иши нақадар бемаънилик эканини таъкидлади.
Машҳур блогер Нурбек Алимов ҳодисани қуйидагича изоҳлайди.
Яна бир фаол блогер Нозим Сафари ҳам ҳодисага «ўзига хос» муносабат билдириб ўтди.
- Ҳа, @eshonbova, ҳа.
Навбатдаги твит эгаси хакерларни негадир ЙХҲТ билан боғлади.
Журналист ва ҳуқуқшунос-юрист Зафарбек Солижонов ҳам шахсий каналида матбуот хизмати раҳбари воқеаси ҳақида ёзди.
Яна бир блогер – Турончи Нурқул «агар хакерларнинг ўрнида бўлганимда» челленжини бошлаб берди.
«Капгир» канали ҳам ўзига хос изоҳ қолдирди.
Ёшлар иттифоқининг расмий Telegram-канали «хакер» сўзини кун сўзи дея эътироф этди. Бу биз назарда тутаётган воқеа акс-садоси эканига шубҳа йўқ.
«Fayzbog.uz» канали тарқалган суҳбат скриншотида акс этган қўқонликларга нисбатан ҳақорат қисмига эътибор қаратибди.
Кўзга кўринган блогерлар: Зафарбек Солижонов, Нозим Сафари, Темурмалик ҳам мабодо ўз каналларида ёмон оқибатларга олиб келадиган постлар ёзилса, бундай ҳаракатлар хакерлар томонидан уюштирилган бўлишини ёзди.
«Уюшмаган ёшлар» ҳам жим қараб турмади.
«Қишлақи» канали бир неча кун олдин Ботиров шаънига мақтов билан ёзилган Facebook’даги постни байроқ қилиб чопяпти.
Хулоса қиладиган бўлсак, воқеа юзасидан қарашлар турлича, тез орада расмийлар муносабати эълон қилинишини кутиб қоламиз.
Изоҳ (0)