O‘zbekistonga qo‘shni bo‘lgan mamlakatlardagi oliy ta’lim muassasalarida o‘qiyotgan va o‘qishini O‘zbekistondagi OTMlarga ko‘chirish istagini bildirgan talabalarga o‘qishni ko‘chirish bo‘yicha ariza topshirishga ruxsat etilgan edi.
Mavzuga doir: Qo‘shni davlatlardan o‘qishni ko‘chirish tartibi qanday? Vazirlik eng ko‘p berilayotgan savollarga javob qaytardi
Ma’lum qilinishicha, respublikaning barcha hududlaridagi bittadan oliy ta’lim muassasasida hududiy ishchi guruhlari tashkil etilgan.
O‘qishini O‘zbekistonga ko‘chirmoqchi bo‘lgan talabgorlar 2020-yil 15-martga qadar doimiy yashash hududida tashkil etilgan ishchi guruhga quyidagi hujjatlarni taqdim etishlari lozim:
- ariza (joyida to‘ldiriladi);
- reyting daftarchasi yoki akademik ma’lumotnoma (transkript) nusxasi;
- pasport nusxasi.
Qayd etilishicha, fuqarolar tomonidan zarur hujjatlar hududiy ishchi guruhlarga to‘g‘ri va to‘liq holatda taqdim etilganda, so‘zsiz qabul qilinadi. O‘qishni ko‘chirishda hech qanday imtihon o‘tkazilmaydi.
Vazirlik fuqarolarni o‘z xizmatlarini taklif qiladigan ayrim firibgarlarga aldanib qolmaslikka chaqiradi.
Izoh (0)