Turkmaniston poytaxti Ashxobod shahridagi tibbiyot muassasalarida shifokorlarga ish vaqtida mobil telefonlardan foydalanish taqiqlandi, deb xabar berdi “Xronika Turkmenistana”.
O‘rnatilgan tartibga ko‘ra, shifoxona xodimlari telefonlarini uylarida qoldirishi yoki ish vaqtida bosh shifokorga topshirishi kerak.
Nima sababdan bunday taqiq qo‘yilganiga oydinlik kiritilmagan.
Nashrda taxmin qilinishicha, ushbu taqiq mamlakat hukumati tomonidan aholining internetga kirishi va yangiliklardan xabardor bo‘lishini nazorat qilish va cheklashni kuchaytirish fonida amalga oshirilmoqda.
Avvalroq Turkmanistonda maktab o‘quvchilariga mobil telefonlardan foydalanish taqiqlangan edi. Shuningdek, o‘qituvchilar ham telefonini dars vaqtida o‘chirib yoki ovozsiz rejimga qo‘yishi kerak.
Izoh (0)