Birlashgan Arab Amirliklarida ilk marta koronavirus bilan kasallanish holati qayd etildi. Bu haqda mamlakat sog‘liqni saqlash vazirligi ma’lumotiga asoslanib, “RBK” xabar berdi.
Qayd etilishicha, kasallik Xitoyning Uxan shahridan qaytgan oilada aniqlangan.
“Kasallanganlarning ahvoli barqaror, ular tibbiy nazorat ostida”, — deyiladi xabarda.
Mamlakat shifokorlari Jahon sog‘liqni saqlash tashkiloti tomonidan tasdiqlangan barcha zarur chora-tadbirlar ko‘rilganini aytgan.
Butun mamlakat bo‘ylab epidemiologik tekshiruv markazlari kasallikning yangi holatlari haqida o‘z vaqtida xabardor qilish uchun ish olib bormoqda.
Avvalroq Germaniya, AQSh va Yaponiyada ham koronavirus bilan kasallanish holatlari aniqlangan edi.
Izoh (0)