Avval xabar qilinganidek, Qozog‘iston qishloq xo‘jaligi vazirligi mamlakatda chorva mollari eksporti taqiqlagan.
Ushbu qarorga chorva mollarining ko‘p qismini O‘zbekistonga olib chiqib ketilgani sabab bo‘lgan. 2019-yilda Qozog‘istondan 156 ming bosh yirik qoramol olib chiqilgan: 121,6 ming boshi yoki 78 foizi O‘zbekistonga, yana 14 foizi Armanistonga eksport qilingan.
Shuningdek, Qozog‘istondan o‘tgan yili jami 264 ming bosh qo‘y olib chiqilgan. Ularning asosiy xaridori ham O‘zbekiston. O‘zbekistonga 200 mingdan ko‘proq qo‘y olib chiqilgan. Shuningdek, Rossiya Qozog‘istondan 21,5 ming, Ozarbayjon 18 ming, Eron 12 ming bosh qo‘y sotib olgan.
O‘zbekistonda eng ko‘p qimmatlashgan mahsulotlar ham go‘sht tovarlari bo‘ldi davlat statistika qo‘mitasi ma’lumotiga ko‘ra, go‘sht 2019-yilda 23,4 foizga qimmatlashgan.
- chorva mollari yem-hashagi narxlarining qimmatligi;
- Ishlab chiqarish bazasining takomillashtirilmagani;
- chorvachilikni rivojlantirish dasturlari doirasida ushbu sohani rag‘batlarntirishga bo‘lgan talabning o‘sishi;
- umumiy ovqatlanish va restoranlar biznesining kengayishi.
O‘rta muddatli istiqbolda go‘sht narxining barqaror bo‘lishi chorvachilik faoliyatini fundamental ravishda qayta ko‘rib chiqishni, xususan, yetarli ozuqa bazasi bilan ta’minlanganligi darajasini oshirish, shuningdek, ichki bozorda ishonchli go‘sht taklifini yarata oladigan yirik chorvachilik fermalarining rivojlanishini rag‘batlantirishni hamda zaruriyat tug‘ilganda tashqi bozorlardan ishonchli va barqaror go‘sht taklifini yo‘lga qo‘yishni talab etadi, deyiladi Markaziy bank sharhida.
Izoh (0)