Davlat statistika qo‘mitasi e’lon qilgan ma’lumotga ko‘ra, 2019-yilda moliya va sug‘urta sohasi vakillarining o‘rtacha oylik ish haqi 4,8 mln so‘mni tashkil etgan.
Bir yil ichida ushbu sohada oylik maoshi 1,3 mln so‘mga ko‘tarilgan (2018-yilda ushbu raqam 3,5 mln so‘mni tashkil etgan). Bu eng yuqori ko‘rsatkich. Ikkinchi o‘rinni Axborot va aloqa mutaxassislari egallagan, ularning o‘rtacha maoshi 4 mln so‘mni tashkil qiladi (700 ming so‘mga oshgan). Sanoat va ishlab chiqarish sohasida nominal oylik maosh yiliga 2,7 million so‘mdan 3,3 million so‘mgacha ko‘tarilgan.
Reytingdagi maoshni real deb bo‘lmaydi, uni hisoblashda hududlarda ro‘yxatdan o‘tkazilgan tashkilotlar soni, ish haqi fondi, xodimlar soni hisobga olinadi.
2019-yilda 1,7 million nafar odam oyiga 1 million so‘mgacha miqdorda ish haqi olgan. Bu mamlakatdagi xodim qo‘liga tegadigan oylik maoshning 43,6 foizini tashkil etadi.
Izoh (0)