Аввал хабар қилинганидек, Қозоғистон қишлоқ хўжалиги вазирлиги мамлакатда чорва моллари экспорти тақиқлаган.
Ушбу қарорга чорва молларининг кўп қисмини Ўзбекистонга олиб чиқиб кетилгани сабаб бўлган. 2019 йилда Қозоғистондан 156 минг бош йирик қорамол олиб чиқилган: 121,6 минг боши ёки 78 фоизи Ўзбекистонга, яна 14 фоизи Арманистонга экспорт қилинган.
Шунингдек, Қозоғистондан ўтган йили жами 264 минг бош қўй олиб чиқилган. Уларнинг асосий харидори ҳам Ўзбекистон. Ўзбекистонга 200 мингдан кўпроқ қўй олиб чиқилган. Шунингдек, Россия Қозоғистондан 21,5 минг, Озарбайжон 18 минг, Эрон 12 минг бош қўй сотиб олган.
Ўзбекистонда энг кўп қимматлашган маҳсулотлар ҳам гўшт товарлари бўлди давлат статистика қўмитаси маълумотига кўра, гўшт 2019 йилда 23,4 фоизга қимматлашган.
- чорва моллари ем-ҳашаги нархларининг қимматлиги;
- Ишлаб чиқариш базасининг такомиллаштирилмагани;
- чорвачиликни ривожлантириш дастурлари доирасида ушбу соҳани рағбатларнтиришга бўлган талабнинг ўсиши;
- умумий овқатланиш ва ресторанлар бизнесининг кенгайиши.
Ўрта муддатли истиқболда гўшт нархининг барқарор бўлиши чорвачилик фаолиятини фундаментал равишда қайта кўриб чиқишни, хусусан, етарли озуқа базаси билан таъминланганлиги даражасини ошириш, шунингдек, ички бозорда ишончли гўшт таклифини ярата оладиган йирик чорвачилик фермаларининг ривожланишини рағбатлантиришни ҳамда зарурият туғилганда ташқи бозорлардан ишончли ва барқарор гўшт таклифини йўлга қўйишни талаб этади, дейилади Марказий банк шарҳида.
Изоҳ (0)