Andijon viloyatining Andijon tumani Sho‘ro qishlog‘ida 25-yanvar kuni poyezd va traktor ishtirokida avariya yuz bergan. Hodisa videosi ijtimoiy tarmoqlarda tarqalgan.
Hodisa guvohlarining so‘zlariga ko‘ra, voqea traktorning temiryo‘l ustida to‘xtab qolishi oqibatida yuz bergan — poyezd kelib traktorga urilgan va uni kanalga ag‘darib yuborgan.
Voqea oqibatida tan jarohati olganlar haqida ma’lumot yo‘q. Ushbu holat yuzasidan hozircha rasmiy axborot berilmagan.
Avvalroq Toshkent viloyatining Nazarbek qishlog‘i yaqinida elektrovozda yong‘in chiqqani haqida xabar berilgan edi.
Mavzuga doir: IIV Nazarbekda yongan elektrovoz bo‘yicha ma’lumot berdi
Izoh (0)