IIV axborot xizmati “Hozirgina Nazarbek tomonda poyezdda yong‘in chiqdi” mazmunidagi izoh bilan tarqalgan video yuzasidan surishtiruv ishlari boshlanganini ma’lum qildi.
Xabarda jumladan shunday deyiladi: “Dastlabki ma’lumotlarga ko‘ra, bugun soat 14:30 larda “Nazarbek” temir yo‘l bekatida vagonlarni belgilangan joyga taqsimlayotgan mashinist Rayhonov Ruslan boshqaruvidagi 2157-sonli elektrovozning ikkinchi kabinasida yong‘in chiqqan”. Yong‘in soat 15:45 da Yong‘in xavfsizligi xizmati tomonidan o‘chirilgan va uning sabablari o‘rganilmoqda. Hodisa yuz berishi oqibatida jarohatlanganlar yo‘q”.
Mavzuga doir: Pokistonda poyezdning yonib ketishi oqibatida halok bo‘lganlar soni 62 nafarga yetdi (video)
Avval Toshkent viloyatining Nazarbek qishlog‘idan o‘tuvchi temir yo‘l orqali harakatlanayotgan poyezdning lokomotivi yonayotgani aks etgan video ijtimoiy tarmoqlarda tarqalgan. O‘zbekiston temir yo‘llari” matbuot xizmati ushbu videoga munosabat bildirib, voqea 25-yanvar, shanba kuni soat 14:20 atrofida elektr-manyovr lokomotivi VL-60 2157 ning ikkinchi mashinisti kabinasida yuz bergani, yong‘inning dastlabki sababi kabinaning isitish tizimidagi qisqa tutashuv ekani, olovning lokomotiv mashina bo‘limining yuqori kuchlanishli kamerasiga o‘tmagani va o‘t o‘chirish bo‘linmalarining tezkor harakatlari natijasida talafot bartaraf etilganini xabar qilgan.
Izoh (0)