Андижон вилоятининг Андижон тумани Шўро қишлоғида 25 январь куни поезд ва трактор иштирокида авария юз берган. Ҳодиса видеоси ижтимоий тармоқларда тарқалган.
Ҳодиса гувоҳларининг сўзларига кўра, воқеа тракторнинг темирйўл устида тўхтаб қолиши оқибатида юз берган — поезд келиб тракторга урилган ва уни каналга ағдариб юборган.
Воқеа оқибатида тан жароҳати олганлар ҳақида маълумот йўқ. Ушбу ҳолат юзасидан ҳозирча расмий ахборот берилмаган.
Аввалроқ Тошкент вилоятининг Назарбек қишлоғи яқинида электровозда ёнғин чиққани ҳақида хабар берилган эди.
Мавзуга доир: ИИВ Назарбекда ёнган электровоз бўйича маълумот берди
Изоҳ (0)