Delta aviakompaniyasi samolyoti Los-Anjelesga shoshilinch qo‘nishni amalga oshirish oldidan shahar ustiga yoqilg‘isini quyishga majbur bo‘ldi, deb xabar berdi Meduza.
Yoqilg‘idan jabrlangan 60 kishi, jumladan, kamida 20 nafar bola kasalxonaga murojaat qilgan.
Aviakerosin bir nechta maktab hududiga tushgan, shu sababli ulardagi o‘quv mashg‘ulotlari mutaxassislar vaziyatni o‘rganib, xavfsiz deya xulosa bermaguniga qadar to‘xtatilgan.
Ushbu samolyot Los-Anjelesdan Shanxayga uchayotgan bo‘lgan. Boeing 777-200 samolyoti bortida 288 nafar yo‘lovchi bo‘lgan. Samolyot havoga ko‘tarilgach, ekipaj dvigateldagi nosozlikni payqagan hamda shoshilinch qo‘nishga ruxsat so‘ragan.
Delta kompaniyasi samolyotning yoqilg‘isini to‘kishini laynerning xavfsiz qo‘nishi uchun qilingani bilan izohlagan.
Qayd etilishicha, shoshilinch qo‘nish muvaffaqiyatli amalga oshirilgan, samolyot bortidagilar jabrlanmagan.
Izoh (0)