Delta авиакомпанияси самолёти Лос-Анжелесга шошилинч қўнишни амалга ошириш олдидан шаҳар устига ёқилғисини қуйишга мажбур бўлди, деб хабар берди Meduza.
Ёқилғидан жабрланган 60 киши, жумладан, камида 20 нафар бола касалхонага мурожаат қилган.
Авиакеросин бир нечта мактаб ҳудудига тушган, шу сабабли улардаги ўқув машғулотлари мутахассислар вазиятни ўрганиб, хавфсиз дея хулоса бермагунига қадар тўхтатилган.
Ушбу самолёт Лос-Анжелесдан Шанхайга учаётган бўлган. Boeing 777-200 самолёти бортида 288 нафар йўловчи бўлган. Самолёт ҳавога кўтарилгач, экипаж двигателдаги носозликни пайқаган ҳамда шошилинч қўнишга рухсат сўраган.
Delta компанияси самолётнинг ёқилғисини тўкишини лайнернинг хавфсиз қўниши учун қилингани билан изоҳлаган.
Қайд этилишича, шошилинч қўниш муваффақиятли амалга оширилган, самолёт бортидагилар жабрланмаган.
Изоҳ (0)