Эронда Украина самолётининг уриб туширилиши туфайли ҳукуматга қарши намойишлар қайта тикланди (видео)

Эрон ҳукумати Украинанинг йўловчи самолётини хатолик туфайли уриб туширганини тан олганидан сўнг бошланган намойишлар қайта тикланди. Бу ҳақда Reuters агентлиги хабар берди, деб ёзади Meduza.

Норозилик намойишини Теҳрондаги бир нечта университетлар талабалари уюштирган. Улар «Бизнинг телевидение — бу шармандалик», «Ислом инқилоби муҳофизлари корпуси қотиллик учун жавобгар» ва «Улар бизнинг душман Америка деб алдамоқда, душманларимиз шу ерда» деб ҳайқирмоқда.

Twitter’да бир нечта видеороликлар эълон қилинди. Унда Теҳрондаги намойиш иштирокчилари ерга чизилган АҚШ ва Исроил байроқларини айланиб ўтаётгани тасвирланган. Twitter фойдаланувчилари байроқларни босганларга намойиш иштирокчилари «Шарманда!» деб бақирганини таъкидламоқда.

Today, the crowd in an Iranian university refused to trample US and Israel flag #LoveBeyondFlags. These IR ideologies, like forced hijab, are falling one by one. pic.twitter.com/spxEI9DRv4

— مملکته (@mamlekate) January 12, 2020

Талабаларнинг норозилик намойишлари Исфаҳонда ҳам ўтаётгани хабар қилинмоқда.

Jan 12, Isfahan, central #Iran
Students of the Industrial University of Isfahan chant, "You use God as a ladder to move up while harassing the nation", implying that the regime takes advantage of religion to stay in power. #IranProtests pic.twitter.com/Y9mY03sxYn

— Iran News Wire (@IranNW) January 12, 2020

11 январь куни талабалар Эрон ракетаси билан уриб туширилган Украина Boeing’и авиаҳалокати айбдорларини жазолашни талаб қилиб, норозилик намойишигачиққанди.

«Украина халқаро авиалиниялари»нинг Киевга учаётган Boeing 737 самолёти 8 январь куни Теҳрон аэрпортидан ҳавога кўтарилганидан кўп ўтмай қулаган эди. Ҳодиса оқибатида 176 киши ҳалок бўлган. Эрон Украина самолётини хатолик сабаб уриб туширганини тан олди. Уни душман нишони деб ўйлашган.

12 январь куни Исломий инқилобий муҳофизлари корпуси Украина самолёти ҳалокати учун жавобгарликни ўз зиммасига олди. Эрон уриб туширилган Boeing қора қутиларини Францияга топширилишини маълум қилди.

Украина президенти Владимир Зеленский «Украина халқаро авиалиниялари»нинг Эрон ҳаво ҳужумидан мудофаа тизими ракетаси билан уриб туширилишида айбдор бўлганларнинг бари жавобгарликка тортилишига ваъда берди.