AQSh Guaydoni Venesuela prezidenti, Yevroittifoq esa parlament spikeri deb hisoblashda davom etmoqda

AQSh Milliy assambleya spikeri lavozimidan chetlatilgan Xuan Guaydoni Venesuela muvaqqat prezidenti deb hisoblashda davom etadi. Bu haqda AQSh davlat kotibining yordamchisi Maykl Kozak ma’lum qildi, deya xabar beradi “Kommersant”.

“Xuan Guaydo konstitutsiyaga ko‘ra Venesuelaning muvaqqat prezidenti bo‘lib qoladi. Milliy assambleyaning soxta yig‘ilishida kvorum bo‘lmagan, ovoz berish bo‘lmagan. Bu o‘yin”,— deya yozuv qoldirgan Kozak Twitter’da.

Shuningdek, Yevroittifoq ham Guaydoni hozircha parlamentning qonuniy raisi deb hisoblashi, Lotin Amerikasidagi 14 ta davlatdan iborat Lima guruhi esa yangi spikerni tan olmasligini bildirgan.

Ma’lumot uchun, Venesuela prezidenti Nikolas Maduro yangi spiker saylangani, Guaydoni esa assambleyadan o‘zining tarafdorlari chetlatganini da’vo qilmoqda.