АҚШ Миллий ассамблея спикери лавозимидан четлатилган Хуан Гуайдони Венесуэла муваққат президенти деб ҳисоблашда давом этади. Бу ҳақда АҚШ давлат котибининг ёрдамчиси Майкл Козак маълум қилди, дея хабар беради «Коммерсантъ».
«Хуан Гуайдо конституцияга кўра Венесуэланинг муваққат президенти бўлиб қолади. Миллий ассамблеянинг сохта йиғилишида кворум бўлмаган, овоз бериш бўлмаган. Бу ўйин»,— дея ёзув қолдирган Козак Twitter’да.
Шунингдек, Евроиттифоқ ҳам Гуайдони ҳозирча парламентнинг қонуний раиси деб ҳисоблаши, Лотин Америкасидаги 14 та давлатдан иборат Лима гуруҳи эса янги спикерни тан олмаслигини билдирган.
Маълумот учун, Венесуэла президенти Николас Мадуро янги спикер сайлангани, Гуайдони эса ассамблеядан ўзининг тарафдорлари четлатганини даъво қилмоқда.
Изоҳ (0)