Yangi yil bayrami kunlari “Toshkent—Samarqand—Toshkent” yo‘nalishida harakatlanadigan “Afrosiyob” tezyurar poyezdining qo‘shimcha 4 ta reysi yo‘lga qo‘yiladi. Bu haqda O‘zA xabar berdi.
Ma’lum qilinishicha, mazkur reyslar aholining Yangi yil bayramini munosib kutib olishi va dam olish kunlarida O‘zbekistonning diqqatga sazovor joylariga sayohat qilib, maroqli hordiq chiqarishiga imkoniyat yaratish maqsadida qo‘yiladi.
Mazkur reyslar 2019-yilning 30 va 31-dekabr hamda 2020-yilning 1 va 2-yanvar kunlari amalga oshiriladi.
Avvalroq “O‘zbekiston temir yo‘llari” 2019-yilning 31-dekabridan 2020-yilning 2-yanvarigacha bo‘lgan davrda mahalliy yo‘nalishlarda yo‘lovchilarga chegirmalar taqdim etilishini ma’lum qilgan edi. Imtiyozli bo‘lgan chiptalarni faqat temiryo‘l kassalarida xarid qilish mumkin. Elektron chiptalar uchun mazkur chegirmalar amal qilmaydi.
Izoh (0)