O‘zbekiston Markaziy banki boshqaruvining ilk mustaqil a’zolari tayinlandi

O‘zbekiston Markaziy banki boshqaruvi a’zolari tarkibida o‘zgarish ro‘y berdi, deb xabar bermoqda “Kun.uz”.

Ma’lum qilinishicha, “El-yurt umidi” jamg‘armasi direktori vazifasini bajaruvchi Adham Bekmurodov va Toshkent shahridagi Vestminster universitetida amaliy matematika bo‘yicha magistratura kursi rahbari Ziyodullo Parpiyev bank boshqaruvining mustaqil a’zolari etib tayinlandi.

Xabar berilishicha, mazkur ikki nomzod 24-dekabr, seshanba kuni Markaziy bank taqdimnomasiga asosan Senat kengashi tomonidan tasdiqlangan.

Shuningdek, Markaziy bank Ijro apparati rahbari Olimjon Ernazarov va Kredit tashkilotlari predensial nazorat departamenti direktori Abrorxo‘ja Turdialiyev bank boshqaruvi tarkibidan chiqarildi.