O‘zbekiston Respublikasi tovar-xomashyo birjasida 2019-yilning 2—8-dekabr kunlari qiymati uch milliard so‘mga teng 681 ta avtomobil raqami onlayn auksion orqali sotildi. Bu haqda birja tomonidan xabar berildi.
Ma’lum qilinishicha, sotilgan davlat raqam belgilarining umumiy summasi o‘tgan haftaga nisbatan 6,2 foizga o‘sgan. O‘tkazilgan savdolarda bitimlarning 20,7 foizi birinchi toifadagi avtoraqamlarga, 46,4 foizi ikkinchi va 32,9 foizi uchinchi toifa avtoraqamlarga tegishli bo‘lgan.
Qayd etilishicha, o‘tgan haftada birjaning barcha savdo platformalarida 859,2 milliard so‘mlik bitimlar tuzilgan. Kichik biznes va tadbirkorlik subyektlari ishtirokida tuzilgan bitimlarning umumiy hajmi 413,8 milliard so‘mga teng bo‘lgan.
Izoh (0)