O‘zbekistonda 22-dekabr kuni o‘tkaziladigan parlament saylovida ishtirok etadigan saylovchilarning umumiy soni e’lon qilindi. Bu haqda Markaziy saylov komissiyasi Xalqaro matbuot markazida Markaziy saylov komissiyasi raisi o‘rinbosari Mahmud Istamov bilan bo‘lib o‘tgan press-konferensiyada ma’lum qilindi, deb xabar beradi “Sof.uz”.
Mahmud Istamov 22-dekabr kuni bo‘ladigan davlat hokimiyati vakillik organlariga saylovlarga tayyorgarlik ko‘rish bo‘yicha Markaziy saylov komissiyasi va quyi saylov komissiyalari tomonidan amalga oshirilgan ishlar haqida ma’lumot berdi.
20-sentabr kuni saylov kampaniyasi e’lon qilingan kuni Saylovchilarning yagona elektron ro‘yxatida e’lon qilingan saylovchilar soni 20 million 551 ming 914 nafarni tashkil etgan edi. Uchastka saylov komissiyalari o‘z faoliyatini boshlaganidan so‘ng, ya’ni 15-noyabrdan boshlab saylov uchastkasi bo‘yicha Saylovchilarning yagona elektron ro‘yxatidan olingan dastlabki saylovchilar soniga uyma-uy yurish orqali aniqlik kiritib borildi. Natijada saylovchilar soni 22 mingga kamroqligi ma’lum bo‘ldi.
Mavzuga doir:
Ma’lumot uchun, 2016-yil 4-dekabrdagi O‘zbekiston Prezidenti saylovida saylovchilar ro‘yxatiga kiritilgan 20 461 805 nafar saylovchidan 17 951 667 nafari ovoz berishda ishtirok etgandi.
Izoh (0)