Финландия ҳукумати 34 ёшли Санна Марин бошқарувига ўтди. Финлар янги бош вазири ҳақида маълумотлар (фото)

Энди Финландия бирлашган ҳукумати партияларининг ҳаммасига аёллар раҳбарлик қилади.

TJournal Финландияда ҳукумат раҳбарига айланган 34 ёшли Транпосрт ва коммуникациялар вазири Санна Марин ҳақида қизиқарли маълумотларни тўплаган.

Марин Социал-демократик партия яъни ҳукмрон гуруҳ томонидан Антти Ринне почта ходилари уюштирган норозилик намойишлар оқибатида истеъфога кетганидан кейин ички овоз бериш йўли билан бош вазир лавозимига сайланди.

Марин бутун дунёда энг ёш бош вазир бўлган аёл сифатида тарихга кирди. У сиёсий фаолиятини анча эрта бошлаган. 33 ёшида вазир даражасигача кўтарилди.

Санна Мирелла Марин Финландия жанубидаги Тампере университетини тамомлаган. У олийгоҳни маъмурий ҳуқуқ, муниципиал ва ҳудудий бошқарув йўналишида теҳсил олган. 2010 йилда Марин Социал-демократик ёшлар ассоциасиясининг вице президенти бўлди. 2012 йилда Тампередаги шаҳар кенгашига сайланди ва 27 ёшида ушбу кенгашга раислик қилди.

Марин партия пиллапояларидан юқори мансабларни эгаллашда давом этди. 2014 йилда СДП раҳбарияти аъзоси бўлди ва 2015 йилда парламент сайловларида қозонилган ғалабага муносиб улуш қўшди.

Ёшим ва аёл эканим борасида ҳеч қачон ўйламаганман. Сиёсатга келишим сабаблари ҳақида бош қотириб, электорат ишончини қозонишимизга туртки бўлган омиллар хусусида фикр юритаман.Санна Мирелла Марин, Финландия бош вазири.

2019 йил июнида 33 ёшли Марин транспорт ва коммуникациялар вазири лавозимига тайинланди. У темир йўллар хабарномасини молиялаштириш, эвтаназияни легаллаштириш, бепул тиббиёт ҳамда ижтимоий хизматларни такомиллаштириш, шунингдек, делфинарийларни ёпиш, экология масалалари ва ишчиларнинг ҳуқуқларини ҳимоя қилиш тарафдори бўлди.

Марин Тампереда турмуш ўртоғи Маркус Райконен билан бирга яшайди. 2018 йил январида қизи Эмма дунёга келган. Марин инсонлар ҳуқуқ ва эркинликларини дунёдаги энг олий қадрият деб ҳисоблайди.

Санна Марин Финландияда бош вазир лавозимини эгаллаган учинчи аёл. Марин Социал-демократик партия раҳбари, коалициядаги бошқа партияларда 32 ёшли Ли Андерсон «Чап Альянс», 34 ёшли Мария Охисало «Яшил лига», 32 ёшли Катри Кулмуни «Марказлашган партия» ҳамда 55 ёшли Анна Майя Хенрикссон «Швед миллий партияси»да аёл раҳбарлар ҳисобланади.