AQSh Vakillik palatasining yuridik qo‘mitasi impichment jarayoni doirasida prezident Donald Trampga qarshi ayblovni ko‘rib chiqish uchun bir haftalik muddatni belgilashi mumkin. Bu haqda qo‘mita raisi demokrat Jerrold Nadler NBC telekanaliga bergan intervyusida ma’lum qildi.
Nadlerning aytishicha, bugun, 9-dekabr kuni AQSh Kongressi Vakillik palatasi razvedkasining maxsus qo‘mitasi tomonidan Ukraina hukumatiga bosim o‘tkazish bo‘yicha e’lon qilingan hisoboti yuzasidan demokratlar va respublikachilarning eshituvi bo‘lib o‘tadi. Shuningdek, qo‘mita raisining so‘zlariga ko‘ra, Kongressda impichment e’lon qilinishi bo‘yicha asosiy punktlar hali hal etilmagan, demokratlar esa bir qator savollarga javob berishi kerak. Shu bilan birga, kongressmen impichment — Donald Trampni barcha to‘plangan dalillar bo‘yicha javob berishga majbur qiladigan va 2020-yilgi prezidentlik saylovlarining odilona o‘tishini ta’minlashning yagona yo‘li.
Eslatib o‘tamiz, AQShda prezidentga impichment e’lon qilish masalasida surishtiruv ishlari boshlangan. Mojaro Donald Trampning Ukraina prezidenti Vladimir Zelenskiy bilan telefon suhbati chog‘ida Xanter Bayden ishi bo‘yicha hamkasbiga bosim o‘tkazishi natijasida boshlangandi.
Mavzuga doir:
- AQSh Kongressida Trampga nisbatan impichment jarayoni qonuniy ekanligi ma’lum qilindi
- AQSh Kongressi Trampning Putin bilan suhbati mazmunini aniqlashga qaror qildi
- Oq uy Trampning Zelenskiy bilan suhbati matnini e’lon qildi. Aynan shu suhbat sabab AQSh prezidentiga qarshi impichment jarayoni boshlandi
Izoh (0)