АҚШнинг ҳаракатлари туфайли Жаҳон савдо ташкилотининг апелляция органи яқин кунларда ўз фаолиятини тўхтатишга мажбур бўлади, ундан сўнг эса «жаҳон савдо қоидалари таъсир кучини йўқотади». Бу ҳақда Германиянинг Der Spiegel журналига асосланиб, «РИА Новости» хабар берди.
ЖСТнинг апелляция органида етти ўрин бор, аммо унинг ишлаши учун камида уч нафар аъзо керак. Ҳозирда бу органда учта маслаҳатчи бор, аммо 10 декабргача улардан икки нафарининг иккинчи ва охирги ваколати тугайди.
Октябрь ойи бошида савдо бўйича Европа комиссари Сесилия Мальмстром ЖСТнинг апелляция органи фаолияти декабрь ойининг ўрталарида тўхтатилиши мумкинлигини айтганди.
Spiegel муаллифининг фикрига кўра, АҚШ президенти ташкилот фаолиятини тўхтатиш учун ҳамма нарса қиляпти.
Журналист ушбу прогнозни сўнгги икки йил ичида Вашингтон Жаҳон савдо ташкилоти апелляция органига янги аъзолар сайланишига тўсқинлик қилаётгани билан изоҳланади.
«Шундай қилиб, апелляция органи тугайди ва у билан — жаҳон савдосининг асосий назорат органи. Орган ўз фаолиятини тўхтатгандан сўнг, ‘ЖСТ бутун тизими қулайди’ бу эса жаҳон савдо қоидаларини бекор қилишга олиб келади», — деб ёзади муаллиф.
Брюссель Трамп «ЖСТ тугатилса, АҚШ учун янада яхши шароитларга эга бўлиш учун» бу ишни қилаётганини тахмин қилмоқда, дейди мақола муаллифи.
ЖСТ апелляция органи тугатилиши билан, жаҳон савдосига кучли мамлакат ҳуқуқи қайтиши мумкин, Евроиттифоқ бунга қарши аллақачон қуроллана бошлаган, дея қўшимча қилади муаллиф.
Изоҳ (0)