Futbol bo‘yicha Ispaniya La Ligasining 16-turi doirasida 7-dekabr, shanba kuni 4 ta bahs bo‘lib o‘tdi.
Zinedin Zidan qo‘l ostidagi Madridning “Real” klubi “Santyago Bernabeu”da “Espanyol”ni sinovdan o‘tkazdi.
Uchrashuvning 37-daqiqasida “Qirollik klubi” himoyachisi Rafael Varan hisobni ochgan bo‘lsa, 79-daqiqaga kelib fransiyalik hujumchi Karim Benzema hisobni 2:0 ko‘rinishiga olib keldi.
Natijada Madrid klubi o‘z maydonida kechgan bahsda “Espanyol” ustidan ishonchli g‘alabaga erishib, muhim 3 ochkoga ega bo‘ldi.
Qayd etish joiz, o‘yinning 83-daqiqasida mezbon jamoa himoyachisi Ferlan Mendi hakam tomonidan qizil kartochka bilan jazolandi.
Makzur g‘alabadan so‘ng “Real” ochkolari sonini 34 taga yetkazib oldi va musobaqa jadvalida 2-o‘rinda bormoqda. “Espanyol” esa 9 ochko bilan 19-pog‘onani band qilib turibdi.
Shu kuni Ernesto Valverde boshqaruvidagi Kataloniyaning “Barselona” jamoasi o‘z uyida “Malyorka”ni qabul qildi.
Bellashuv davomida “ko‘k-anorranglilar”ning gollariga Antuan Grizmann (7), Lionel Messi (17, 41, 83) hamda Luis Suares (43) mualliflik qilgan bo‘lsa, mehmonlardan Ante Budimir (35, 64) dublga erishdi.
Shu tariqa kataloniyaliklar o‘z maydonida “Malyorka”ni yirik 5:2 hisobida mag‘lubiyatga uchratdi va navbatdagi 3 ochkoni qo‘lga kiritdi.
Ma’lumot uchun, “Barselona” 34 ochko to‘plab, musobaqa jadvalida peshqadamlik qilmoqda. “Malyorka” esa 14 ochko yig‘ib, 17-o‘rinni egalladi.
La Liga
16-tur bahslari
7-dekabr, shanba
“Real”—“Espanyol” 2:0
Gollar: 1:0 — 37 Varan, 2:0 — 79 Benzema“Granada”—“Alaves” 3:0
Gollar: 1:0 — 48 Fernandes, 2:0 — 58, penaltiSoldado, 3:0 — 77 Errera“Levante”—“Valensiya” 2:4
Gollar: 1:0 — 11 Roxer Marti, 2:0 — 20, penalti Roxer Marti, 2:1 — 45, avtogol Roxer Marti, 2:2 — 57 Gameyro, 2:3 — 59 Gameyro, 2:4 — 88 Ferran Torres“Barselona”—“Malyorka” 5:2
Gollar: 1:0 — 7 Grizmann, 2:0 — 17 Messi, 2:1 – 35 Budimir, 3:1 — 41 Messi, 4:1 — 43 Suares, 4:2 — 64 Budimir, 5:2 — 83 MessiYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)