Футбол бўйича Испания Ла Лигасининг 16-тури доирасида 7 декабрь, шанба куни 4 та баҳс бўлиб ўтди.
Зинедин Зидан қўл остидаги Мадриднинг «Реал» клуби «Сантьяго Бернабеу»да «Эспаньол»ни синовдан ўтказди.
Учрашувнинг 37-дақиқасида «Қироллик клуби» ҳимоячиси Рафаэл Варан ҳисобни очган бўлса, 79-дақиқага келиб франциялик ҳужумчи Карим Бензема ҳисобни 2:0 кўринишига олиб келди.
Натижада Мадрид клуби ўз майдонида кечган баҳсда «Эспаньол» устидан ишончли ғалабага эришиб, муҳим 3 очкога эга бўлди.
Қайд этиш жоиз, ўйиннинг 83-дақиқасида мезбон жамоа ҳимоячиси Ферлан Менди ҳакам томонидан қизил карточка билан жазоланди.
Макзур ғалабадан сўнг «Реал» очколари сонини 34 тага етказиб олди ва мусобақа жадвалида 2-ўринда бормоқда. «Эспаньол» эса 9 очко билан 19-поғонани банд қилиб турибди.
Шу куни Эрнесто Вальверде бошқарувидаги Каталониянинг «Барселона» жамоаси ўз уйида «Мальорка»ни қабул қилди.
Беллашув давомида «кўк-анорранглилар»нинг голларига Антуан Гризманн (7), Лионель Месси (17, 41, 83) ҳамда Луис Суарес (43) муаллифлик қилган бўлса, меҳмонлардан Анте Будимир (35, 64) дублга эришди.
Шу тариқа каталонияликлар ўз майдонида «Мальорка»ни йирик 5:2 ҳисобида мағлубиятга учратди ва навбатдаги 3 очкони қўлга киритди.
Маълумот учун, «Барселона» 34 очко тўплаб, мусобақа жадвалида пешқадамлик қилмоқда. «Мальорка» эса 14 очко йиғиб, 17-ўринни эгаллади.
Ла Лига
16-тур баҳслари
7 декабрь, шанба
«Реал»—«Эспаньол» 2:0
Голлар: 1:0 — 37 Варан, 2:0 — 79 Бензема«Гранада»—«Алавес» 3:0
Голлар: 1:0 — 48 Фернандес, 2:0 — 58, пенальтиСольдадо, 3:0 — 77 Эррера«Леванте»—«Валенсия» 2:4
Голлар: 1:0 — 11 Рохер Марти, 2:0 — 20, пенальти Рохер Марти, 2:1 — 45, автогол Рохер Марти, 2:2 — 57 Гамейро, 2:3 — 59 Гамейро, 2:4 — 88 Ферран Торрес«Барселона»—«Мальорка» 5:2
Голлар: 1:0 — 7 Гризманн, 2:0 — 17 Месси, 2:1 – 35 Будимир, 3:1 — 41 Месси, 4:1 — 43 Суарес, 4:2 — 64 Будимир, 5:2 — 83 МессиЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)