Bloomberg 7-dekabr kuni WhatsApp ijtimoiy tarmog‘idagi yangiliklar kanalini yopadi va buning o‘rniga Telegram’da matnlarini joylashtirishni boshlaydi. Bu haqda Forbes xabar bermoqda.
Mazkur qaror WhatsApp egasi bo‘lgan Facebook kompaniyasi xabarlarni jo‘natish tartibini o‘zgartirgani bilan izohlangan. Aynan nima nazarda tutilayotganiga aniqlik kiritilmagan.
Nashr Telegram’da kuniga kamida uchta xabar joylashtirishni va’da qildi. Ular yangiliklar, katta matnlarning qisqa tafsiloti yoki muxbirlarning tahliliy maqolalari bo‘lishi mumkin.
Yangi kanal servis ma’muriyatidan verifikatsiya belgisini olishga ulgurdi. Hozirning o‘zida unga 4 mingdan ortiq kishi a’zo bo‘lgan.
Izoh (0)