Bloomberg 7 декабрь куни WhatsApp ижтимоий тармоғидаги янгиликлар каналини ёпади ва бунинг ўрнига Telegram’да матнларини жойлаштиришни бошлайди. Бу ҳақда Forbes хабар бермоқда.
Мазкур қарор WhatsApp эгаси бўлган Facebook компанияси хабарларни жўнатиш тартибини ўзгартиргани билан изоҳланган. Айнан нима назарда тутилаётганига аниқлик киритилмаган.
Нашр Telegram’да кунига камида учта хабар жойлаштиришни ваъда қилди. Улар янгиликлар, катта матнларнинг қисқа тафсилоти ёки мухбирларнинг таҳлилий мақолалари бўлиши мумкин.
Янги канал сервис маъмуриятидан верификация белгисини олишга улгурди. Ҳозирнинг ўзида унга 4 мингдан ортиқ киши аъзо бўлган.
Изоҳ (0)