Qoraqalpog‘iston va Buxoroning ba’zi hududlarida gaz ta’minoti vaqtincha to‘xtatiladi

Qoraqalpog‘iston Respublikasi va Buxoro viloyatining ba’zi hududlarida ta’mirlash ishlari sababli gaz ta’minoti vaqtincha to‘xtatiladi, deb xabar bermoqda “Hududgazta’minot” AJ matbuot xizmati.

5-dekabr kuni Qoraqalpog‘istonning Qo‘ng‘irot tumanidagi “Raushan” GTS (gaz tarqatish stansiyasi)da tabiiy gaz hisoblagichni ta’mirlash ishlari olib borilishi sababli “Raushan” OFY hududdagi jami 350 ta aholi xonadonlarida soat 13:00 dan 18:00 gacha, Shumanay tumanidagi “Dayxonobod” GTSda ta’mirlash ishlari olib borilishi munosabati bilan “Dayxonobod” va “Arzimbetkum” OFY hududlaridagi jami 509 ta aholi xonadonlarida soat 9:00 dan 18:00 gacha gaz ta’minoti vaqtincha to‘xtatiladi.

Shuningdek, 5-dekabr kuni Buxoro viloyati, Kogon tumanidagi “Izvestkoviy” GTSda yuqori bosimli gaz quvurlarida ta’mirlash ishlari olib borilishi sababli iste’molchilarga tabiiy gaz yetkazib berish soat 9:00 dan 18:00 gacha vaqtincha to‘xtatiladi. Ta’mirlash ishlari tugatilgandan so‘ng tabiiy gaz ta’minoti qayta tiklanadi.

“Ta’mirlash ishlari tufayli gaz ta’minotidagi vaqtincha uzilishlar sababli yetkazilayotgan noqulayliklar uchun aholi va gaz iste’molchilaridan uzr so‘raymiz”, — deyiladi xabarda.