Қорақалпоғистон Республикаси ва Бухоро вилоятининг баъзи ҳудудларида таъмирлаш ишлари сабабли газ таъминоти вақтинча тўхтатилади, деб хабар бермоқда «Ҳудудгазтаъминот» АЖ матбуот хизмати.
5 декабрь куни Қорақалпоғистоннинг Қўнғирот туманидаги «Раушан» ГЦ (газ тарқатиш станцияси)да табиий газ ҳисоблагични таъмирлаш ишлари олиб борилиши сабабли «Раушан» ОФЙ ҳудуддаги жами 350 та аҳоли хонадонларида соат 13:00 дан 18:00 гача, Шуманай туманидаги «Дайхонобод» ГЦда таъмирлаш ишлари олиб борилиши муносабати билан «Дайхонобод» ва «Арзимбеткум» ОФЙ ҳудудларидаги жами 509 та аҳоли хонадонларида соат 9:00 дан 18:00 гача газ таъминоти вақтинча тўхтатилади.
Шунингдек, 5 декабрь куни Бухоро вилояти, Когон туманидаги «Известковий» ГЦда юқори босимли газ қувурларида таъмирлаш ишлари олиб борилиши сабабли истеъмолчиларга табиий газ етказиб бериш соат 9:00 дан 18:00 гача вақтинча тўхтатилади. Таъмирлаш ишлари тугатилгандан сўнг табиий газ таъминоти қайта тикланади.
«Таъмирлаш ишлари туфайли газ таъминотидаги вақтинча узилишлар сабабли етказилаётган ноқулайликлар учун аҳоли ва газ истеъмолчиларидан узр сўраймиз», — дейилади хабарда.
Изоҳ (0)