Uzbekistan Airways 2019-yilning 31-dekabridan 2020-yilning 2-yanvariga qadar Yangi yil bayrami nishonlanadigan muddatga respublika ichidagi aviaqatnovlar uchun chegirmalar e’lon qildi. Bu haqda kompaniya matbuot xizmati xabar berdi.
Unga ko‘ra, bayram chegirmalari:
- Yakka yo‘lovchilarga — 30 foiz;
- Sayyohlik guruhlari (5 kishidan boshlab), maktab o‘quvchilari, kollej, litsey va OTMlar talabalari, IIV, Mudofaa vazirligi, DXX, DSQ, DBQ va boshqa idoralar tizimidagi maxsus ta’lim muassasalari o‘quvchilari va tinglovchilariga — 40 foiz;
- Oilalarga (2 kishidan boshlab — er va xotin; er, xotin va ularning 18 yoshgacha bo‘lgan farzandlari; ota yoki ona 18 yoshgacha farzandlari bilan) — 50 foiz;
- Pensionerlar va nogironligi bo‘lgan insonlarga — 50 foiz;
- 1941—1945-yillardagi urush qatnashchilari va ularga tenglashtirilganlar, shuningdek, Ikkinchi jahon urushi yillarida orden va medallar bilan taqdirlangan shaxslarga — 50 foiz;
- Chernobil AES falokati oqibatlarini bartaraf etishda ishtirok etgan shaxslarga — 50 foiz.
Chiptalar uchun chegirma 2019-yilning 31-dekabridan 2020-yilning 2-yanvariga qadar bo‘lsa-da, Uzbekistan Airways saytidagi ma’lumotlarga ko‘ra, bu kunlarda Toshkentdan Farg‘ona, Qarshi va Navoiy shaharlariga reyslar umuman rejalashtirilmagan. Samarqand, Buxoro, Termiz va Namangan shaharlariga esa faqat 2-yanvarda reyslar bor.
Urganch va Nukus shaharlariga esa har kuni reyslar rejalashtirilgan.
Shuningdek, kompaniya saytida Yangi yil chegirmasi e’lon qilingan kunlar uchun qo‘chimcha reyslar tashkil etilishi haqida ma’lumot berilmagan.
Izoh (0)