AQSh ichki xavfsizlik vazirligi Immigratsiya va bojxona politsiyasi (ICE) bilan hamkorlikda mamlakatga noqonuniy kirishni istagan xorijiy talabalar uchun soxta universitet tuzgan. Bu haqda Forbes xabar bermoqda.
Michigandagi Farmington universiteti 2015-yilda faoliyatini boshlagan va migratsiya politsiyasi uchun o‘ziga xos tuzoq vazifasini o‘tagandi. Unda o‘qituvchilar va auditoriyalar bo‘lmagan, talabalar esa hech qachon darslarga kelmagan.
Soxta universitetda bir yil o‘qish summasi 12 ming dollar turgan, bu yerda 600 nafardan ortiq talaba o‘qigan.Politsiyaga ko‘ra, talabalarning barchasi o‘quv yurti soxta ekanligini bilgan. Ular AQShda qolish va ishlash uchun talabalar vizalari dasturidan foydalanishning noqonuniy yo‘llarini qidirgan.
Oxirgi hibslar chog‘i 90 nafar talaba qo‘lga olingan, 2019-yil boshidan beri esa 250 kishi ushlangan. Ularning aksariyat qismi Hindiston fuqarolari bo‘lgani aytilmoqda.
OAVga ko‘ra, qo‘lga olinganlarning 80 foizi ixtiyoriy ravishda deportatsiya qilingan, qolganlari esa bu haqdagi ko‘rsatmani kutmoqda. Federal prokurorlar talabalarga soxta universitetga kirishga yordam bergan 8 nafar kishiga ayblov e’lon qildi. Ulardan 7 nafari aybini tan oldi va jazo muddatini o‘tmoqda, sakkizinchi gumonlanuvchi esa sud hukmini kutmoqda.
AQSh hukumati nolegallarni qo‘lga olish uchun birinchi bor soxta o‘quv yurti tashkil etayotgani yo‘q. 2016-yilda 21 nafar xorijiy shaxs mingdan ortiq chet ellik talaba bilan kelishuvda ayblangandi. O‘shanda Nyu-Jersi shtatida soxta kollej tuzilgan.
Izoh (0)