Saudiya Arabistoni hukumati noyabr o‘rtalarida qamoqqa olingan sakkiz nafar jurnalistning uch nafarini ozod qildi. Bu haqda Saudiya huquq himoyachilari tashkiloti ALQST’ga tayanib “RIA Novosti” xabar berdi.
Avval Saudiya huquq himoyachilari qirollik hukumatini jurnalistlar va jamoat faollarini, jumladan, jurnalist va yozuvchi Zana ash-Shahriy va bloger Fuad al-Farhanni hibsga olganlikda ayblagan.
“Xalqaro ijtimoiy bosim va jurnalistlarning hibsga olingani haqida OAVda juda ko‘p gapirilishi Saudiya hukumatining Bader ar-Rashid, Sulaymon an-Nossir va Fuad al-Farhanni hibsdan ozod etishiga majbur qila oldi”, — deyiladi ALQST’ning Twitter’dagi mikroblogida.
ALQST has learned that the #Saudi authorities have carried out new arrests of journalists, writers and activists, both women and men, in recent days.
— ALQST for Human Rights (@ALQST_En) November 25, 2019
They have also stepped up their torture, sexual harassment & abuse of existing prisoners of conscience.https://t.co/bEMKdyHTBA https://t.co/1UIMQdrLSG pic.twitter.com/aGYxop406A
Huquq himoyachilari hukumatni so‘z erkinligiga hujum qilishni to‘xtatish va vijdon amriga bo‘ysungan haqiqatparvar mahbuslarni ozod etishni talab qilgan.
ALQST’ning yozishicha, 16-noyabrda qirollik xavfsizlik xizmati Ar-Riyodda yashovchi saudiyalik to‘rt nafar yozuvchining uylarida tintuv o‘tkazib, ularni hibsga olgan, kompyuter va mobil qurilmalarini olib qo‘ygan. Yana bir yozuvchi Abdul Majid Al-Bulyuviy esa bir necha kun avval Madinada qamoqqa olingan. Shuningdek, Jidda, Abxa va Xayil kabi mamlakatning boshqa shaharlarida ham yozuvchi hamda blogerlar hibsga olingan.
2015-yilda shahzoda Muhammad bin Salmon hukumat tepasiga kelganidan beri ziyolilar qatlamining ilg‘or vakillari tez-tez qamoqqa tushmoqda, ommaviy hibslarning oxirgi to‘lqini joriy yilning aprel oyida kuzatilgandi. O‘shanda bir qator yozuvchilar qamoqqa tushgan, ammo ularning aybi nima ekani hozirgacha ma’lum qilinmagan.
Avval huquq himoyachilari Saudiya hukumatini ijtimoiy faol ayollar Nasima as-Sadoh va Lyujayn al-Haylulni xotin-qizlarning qirollikda avotomobil haydashini talab qilgani uchun hibsga olib, qiynoqqa solganlikda ayblagan. Ikki ayol hali ham sud ixtiyorida bo‘lib turibdi va ularning ta’limni davom ettirishi taqiqlab qo‘yilgan.
Izoh (0)