АҚШ мудофаа вазири Марк Эспер мамлакат ҳарбий денгиз кучлари раҳбари Ричард Спенсер ҳарбий жиноятларга алоқадорлиги учун истеъфога чиқиши зарур деб ҳисобламоқда. Бу ҳақда The Washington Post хабар берган.
«Вазир Спенсер ўз лавозимда қолиб ишончимни қозониши энди мумкин эмас, деб ҳисоблайман. Ричардга келгуси ишларида омад тилайман», — дейилади Пентагон раҳбарининг баёнотида.
Нашрнинг ёзишича, Эспернинг Спенсерга бўлган ишончининг йўқолиши денгиз пиёдаси Эдвард Галлахернинг бир неча жиноятларда айбсиз деб топилиб, суд томонидан оқлангани билан боғлиқ бўлиши мумкин.
Эспер Спенсернинг ўзбошимчалик билан Оқ уй мансабдорларига мурожаат қилиб жамоатчиликнинг қарама-қарши фикрда эканига қарамай Галлахернинг ўз лавозимига қайтиши ҳамда денгиз пиёдаси сифатида истеъфога чиқарилишини билдирганидан хавотирга тушганини таъкидлаган.
Кейинчалик, Пентагон вакили Жонатан Ҳоффман Спенсернинг ушбу таклифи икки ҳарбийи қўмондоннин Галлахер иши бўйича жуда кўп марта суҳбат қурганига қарамай Эспердан сир тутилганини маълум қилган.
Истеъфога чиқадиган Спенсер ўрнига мудофаа вазири АҚШнинг Норвегиядаги элчиси Кеннет Брэйтуэйт номзодини тавсия қилган.
Галлахер 2017 йилда Ироқда ИШИД жангарисининг мурдаси ёнида суратга тушган. Ўша йили июлда ҳарбий трибунал хизмат вақтида ноқонуний равишда фото олгани учун айбдор, лекин асирга олинган террорчини ўлдирмаган деб топган. Ҳарбий қуйироқ лавозимга туширилган ва ойлик маоши қисқартирилганди.
АҚШ ҳарбий денгиз кучлари қўмондонлиги шу ҳафтада Галлахер иши флотнинг махсус комиссияси томонидан кўриб чиқилиши ва унинг «денгиз мушуклари» сафида қолиш-қолмаслиги комиссия хулосасига боғлиқлигини билдирган.
АҚШ президенти Дональд Трамп Twitter’да ҳарбий денгиз кучларининг Галлахерни лавозимдан четлатишга ҳаққи йўқлиги ҳақида ёзган.
АҚШ ҳарбий денгиз кучлари вазири ушбу твитга жавобан Twitter’да билдирилган фикр расмий буйруқ деб тан олинмаслигини айтган.
Изоҳ (0)