Конго демократик республикасида икки моторли самолётнинг ҳалокати оқибатида қурбон бўлганларнинг сони 29 тага етди. 16 нафар фуқаро турли даражадаги тан жароҳатлари олган. Бу ҳақда «Коммерсантъ» хабар берди.
Тахминларга кўра самолёт ҳалокатга техник носозликлар туфайли учраган.
Busy Bee авиакомпаниясининг самолёти 24 ноябрь куни ҳавога кўтарилганидан уч дақиқа ўтгач, кутилмаганда қулаб тушган. У Гома мавзесидаги уйлар устига қулаган. Ҳаво кемаси бортида жами 19 нафар одам: 17 нафар йўловчи ҳамда экипажнинг икки нафар аъзоси бўлган.
Ҳалок бўлганларнинг сони самолётдаги йўловчиларидан кўплиги самолётнинг турар жой биноларига қулагани билан изоҳланмоқда. Тўртта уйда яшовчи фуқаролардан фақат икки нафар одамгина самолёт портлашидан аввал қочиб қолишга улгурган.
Smoke rises from the wreckage of a small plane which crashed on takeoff into a densely populated area of Goma in the Democratic Republic of Congo pic.twitter.com/31BXU7qrG0
— AFP News Agency (@AFP) November 24, 2019
Изоҳ (0)