O‘zbekistonning Rossiyadagi elchixonasi konsullik bo‘limi 19-noyabr, seshanba kuni Voronej shahrida qurilayotgan obyekt yaqinida 13-qavatdan tushgan g‘ishtlar bosishi oqibatida O‘zbekiston fuqarolari M.R. va S.K. halok bo‘lgani to‘g‘risidagi OAV xabarini tasdiqladi.
Hozirda tergov organlari tomonidan Rossiya Federatsiyasi Jinoyat kodeksining 109-moddasi 3-qismi (“Ehtiyotsizlik tufayli o‘limga olib kelish”) bo‘yicha jinoyat ishi qo‘zg‘atildi va tergov olib borilmoqda.
Elchixona Bandlik va mehnat munosabatlari vazirligi huzuridagi Tashqi mehnat migratsiyasi agentligi vakolatxonasi bilan birgalikda hamyurtlar jasadlarini Vatanga jo‘natish uchun konsullik-huquqiy va tashkiliy masalalarni hal etishda yordam bermoqda.
Izoh (0)