Qayd etilishicha, Instagram’dagi sahifasida obunachilari soni ayni paytda 783 mingdan ortiq bo‘lgan qizga 1 oy avval noma’lum shaxslar bir loyihada qatnashishni taklif qilgan va bu Shahzodaning o‘zi va blogi uchun ham yaxshigina reklama bo‘lishini aytgan.
“Loyihamizga ham onlayn, ham oflayn reklama jalb etiladi. Oflayn reklama katta miqyosda – bannerlar, e’lonlar taxtalari, varaqalar, reklama vositalari, transportdagi reklamada bo‘ladi. Sizning nikingiz va fotosuratingiz to‘rtta mamlakat va 10 ta shaharning barcha hududlariga joylashtiriladi”, — deb yozgan unga reklama menejeri.
Kelishuvga ko‘ra, Shahzoda yangi “chellenj” haqidagi postini sahifasiga joylashtirishi kerak bo‘lgan. Uning shartlari juda oson bo‘lib, reklama banneri bilan rasmga tushib, uni Instagram’dagi sahifaga joylash kerak bo‘lgan. Buni bajarganlar avtomatik ravishda iPhone va boshqa qimmatbaho sovg‘alar o‘ynaladigan tanlovning ishtirokchilariga aylangan.
“Bannerlarda aslida giyohvand moddalar reklama qilinayotganini bilib, darhol postni o‘chirib tashladim. Reklama to‘g‘risida men bilan bog‘langan qizning o‘zi nima bo‘layotganidan bexabarligini aytdi. U bog‘lanishim uchun 2 erkakning raqamlarini berdi, lekin ular mening xabarlarimni e’tiborsiz qoldirmoqda. Men, blogerlar aybdor deb o‘ylamayman, chunki biz giyohvand moddalar to‘g‘risida haqiqatdan ham bilmaganmiz”, — degan qiz.
Uning qo‘shimcha qilishicha, reklama qilinayotgan narsa giyohvand modda ekanligini obunachilaridan biri aytib qolgan. Qiz reklama buyurtmachilarini sudga bermoqchi.
Izoh (0)