Қайд этилишича, Instagram’даги саҳифасида обуначилари сони айни пайтда 783 мингдан ортиқ бўлган қизга 1 ой аввал номаълум шахслар бир лойиҳада қатнашишни таклиф қилган ва бу Шаҳзоданинг ўзи ва блоги учун ҳам яхшигина реклама бўлишини айтган.
«Лойиҳамизга ҳам онлайн, ҳам офлайн реклама жалб этилади. Офлайн реклама катта миқёсда – баннерлар, эълонлар тахталари, варақалар, реклама воситалари, транспортдаги рекламада бўлади. Сизнинг никингиз ва фотосуратингиз тўртта мамлакат ва 10 та шаҳарнинг барча ҳудудларига жойлаштирилади», — деб ёзган унга реклама менежери.
Келишувга кўра, Шаҳзода янги «челленж» ҳақидаги постини саҳифасига жойлаштириши керак бўлган. Унинг шартлари жуда осон бўлиб, реклама баннери билан расмга тушиб, уни Instagram’даги саҳифага жойлаш керак бўлган. Буни бажарганлар автоматик равишда iPhone ва бошқа қимматбаҳо совғалар ўйналадиган танловнинг иштирокчиларига айланган.
«Баннерларда аслида гиёҳванд моддалар реклама қилинаётганини билиб, дарҳол постни ўчириб ташладим. Реклама тўғрисида мен билан боғланган қизнинг ўзи нима бўлаётганидан бехабарлигини айтди. У боғланишим учун 2 эркакнинг рақамларини берди, лекин улар менинг хабарларимни эътиборсиз қолдирмоқда. Мен, блогерлар айбдор деб ўйламайман, чунки биз гиёҳванд моддалар тўғрисида ҳақиқатдан ҳам билмаганмиз», — деган қиз.
Унинг қўшимча қилишича, реклама қилинаётган нарса гиёҳванд модда эканлигини обуначиларидан бири айтиб қолган. Қиз реклама буюртмачиларини судга бермоқчи.
Изоҳ (0)