O‘zbekiston Iste’molchilar huquqlarini himoya qilish jamiyatlari Federatsiyasiga bir qancha fuqarolar qolipli nonning narxi oshib ketayotganligidan norozi bo‘libmurojaat qilgan. Federatsiya tomonidan viloyatlarda ayni kunlarda qolipli nonning narxini o‘rganish ishlari olib borilayotgani ma’lum qilindi.
Xabar berilishicha, mamlakat hududlarida qolipli non narxi turlicha baholanmoqda. Eng arzon narx 1500 so‘m bo‘lsa, eng qimmati 2000 so‘mni tashkil etmoqda.
Ma’lum bo‘lishicha, Namangan viloyatining Mingbuloq, Uychi va Chortoq tumanlarida qolipli non 1500—1750 so‘mgacha, Uchqo‘rg‘on tumanida 1750 so‘mdan 2000 so‘mgacha sotilmoqda.
Andijon viloyatining Asaka, Ulug‘nor, Shahrixon tumanlarida “buxanka” narxi 1500—1750 so‘mgacha, Paxtaobod tumanida 1500—2000 so‘m oralig‘ida, Oltinko‘l tumanida esa 1750—1800 so‘mgacha sotilmoqda.
Farg‘ona viloyatining Qo‘shtepa, Buvayda, Uchko‘prik, Furqat tumanlarida qolipli non 1500—1800 so‘mdan sotilayotgan bo‘lsa, Buxoro viloyatining deyarli barcha tumanlarida 1500—1600 so‘mdan sotilmoqda. Kogon tumanida esa qolipli non 1600—1800 so‘mdan sotilayotgani aniqlandi.
Avvalroq Bosh prokuratura “buxanka” narxining oshishi sabablarini ma’lum qilgan edi.
Izoh (0)