Meksikada uchta avtobus to‘qnashib ketdi. Meksika—Pachuka avtoyo‘lida sodir bo‘lgan transport hodisasi oqibatida 11 nafar odam halok bo‘lgani, 25 nafar yo‘lovchining turli darajadagi tan jarohatlari olgani ma’lum qilindi.
Transport vositalari haydovchilari voqea joyidan qochib ketgan. Politsiya hodisadan keyin qonun ta’qibidan yashiringan ushbu fuqarolarni izlamoqda. Jarohatlangan yo‘lovchilar yaqin atrofdagi shifoxonalarga yetkazilgan.
Halok bo‘lganlar orasida to‘rt yoshli bola ham borligi ma’lum qilingan.
Avval Saudiya Arabistoni, Eron, Nepal, Slovakiya, Peru hamda Hindistonda yuz bergan dahshatli avtohalokatlar haqida xabarlar berilgan.
Izoh (0)