O‘zbekistonda so‘nggi vaqtlarda tibbiyot xodimlariga tajovuzlar ko‘payib ketdi. Andijon viloyati hokimi Shuhratbek Abdurahmonovning fikricha, bu tajovuzlar soni vaqt o‘tishi bilan “asta-sekin kamayib, hammasi o‘z iziga tushib ketadi”. Viloyat hokimining so‘zlaridan “Daryo” muxbiri Musulmonbek Ibrohimov iqtibos keltirmoqda.
Hokimning fikricha, odamlarning “haqidan ham ko‘p narsani talab qilayotgani” — O‘zbekiston kabi o‘tish davridagi, yangilanayotgan mamlakatlar uchun xos va hali “hammasi joyiga tushadi”.
Bugungi yangilanayotgan O‘zbekistonda xalqimiz ham juda gapiradigan, huquqini, qolaversa, haqidan ham ko‘proq narsani talab qiladigan bo‘lib ketgan.Ma’lumotlarga ko‘ra, O‘zbekistonda 2017—2018-yillar davomida tibbiyot xodimlariga 400 dan ortiq tajovuzlar qilingan. Faqat 40 ta holatda tibbiyot xodimlari ularga tajovuz qilgan shaxslar ustidan huquqni muhofaza qiluvchi idoralarga murojaat qilgan.Tibbiyot xodimlariga bo‘layotgan har xil tajovuzlarning baridan biz ham xabardormiz. Xudo xohlasa, hammasi joyiga tushadi, hozir biz o‘tish davridamiz.
Shuhratbek Abdurahmonov, Andijon viloyati hokimi
Mavzuga doir: Тabobat akademiyasi kaltaklanayotgan shifokorlarni himoya qilishda davlat organlariga ko‘maklashmoqchi
Izoh (0)