Qashqadaryoda Afg‘oniston fuqarolari YTHga uchradi

13-noyabr kuni soat 22:00 larda Qashqadaryo viloyatining Dehqonobod tumanida yo‘l-transport hodisasi sodir bo‘ldi, deb yozadi “Postda.uz”.

Termiz shahrida yashovchi V.M. o‘z boshqaruvidagi Cobalt rusumli avtomashina “Termiz–Toshkent” M-39 yo‘lining 1289-kilometrida qarama-qarshi yo‘nalishda harakatlanib kelib chap tomonga burilayotgan fuqaro H.K. boshqaruvidagi “VAZ–2105” rusumli avtomashina o‘rtasida to‘qnashuv yuz bergan.

Natijada Cobalt avtomashinasi yo‘lovchilari – Afg‘oniston fuqarolari M.N. va S.P. tan jarohati oldi. Ular zudlik bilan shifoxonaga olib borilib, tibbiy yordam ko‘rsatilgan.

Hozirda holat yuzasidan surishtiruv ishlari olib borilmoqda.