Uchko‘prik tumani xalq ta’limi bo‘limi Facebook’da tumandagi 21-umumiy o‘rta ta’lim maktabida o‘quvchilarni maktab darvozasini yopib qo‘yib kiritmasdan turganligi to‘g‘risida olingan videolavha xususida raddiya berdi. Bu haqda Farg‘ona viloyati xalq ta’limi boshqarmasi ma’lum qildi.
Videolavhani suratga olgan fuqaro Shuhratjon Cho‘lponovning tushuntirish berishicha, haqiqatan ham 2019-yil 12-noyabr kuni soat 08:05 dan 08:08 gacha 3 daqiqa davomida maktab direktori tomonidan darslarga kech qolgan o‘quvchilarni kiritmasdan darvozani berkitib olganligi haqidagi voqealar uydirma ekanligi, maktab ta’lim tizimi mohiyatini tushunmasdan bunday ishga qo‘l urganidan afsusda ekanligini fuqaro uzr so‘rash orqali ifoda etdi. Uchko‘prik tumani xalq ta’limi bo‘limi kelgusida bunday holatlarni oldini olish, maktab o‘quvchilariga shart-sharoitlar yaratib berish, oila-mahalla va maktab hamkorligini kuchaytirilishi ma’lum qiladi.Uchko‘prik tumani xalq ta’limi bo‘limi
“Men 21-umumta’lim maktabi haqida ozgina videoga olib, Telegram’ga chiqargan edim. Men maktabning ichki qonun-qoidalarini bilmagan ekanman... Barchalaringdan uzr so‘rayman”, — deydi Cho‘lponov o‘z videomurojaatida.
Izoh (0)