“Human.uz” muxbirlari Toshkent shahri Chilonzor tumani 3-mavze 36 A-uyda yashovchi fuqarolardan tushgan ommaviy shikoyat bo‘yicha o‘rganish o‘tkazdi.
Murojaatga ko‘ra, ular yashaydigan 36 A-uyning yerto‘lasi shu uyni qurgan pudratchi tashkilot “Sharq temir” MChJ tomonidan shu yerda yashovchi aholi ixtiyoriga berilmay kelinmoqda.
“‘Sharq temir’ ushbu uyning yerto‘lasini tadbirkorlarga sotganligi aholi tomonidan aytilmoqda. Va sotib yuborilgan ushbu joyda baliq sexi faoliyat olib bormoqda. Qiziq, aholi yashaydigan ko‘p qavatli uy yerto‘lasida baliq boqishni qanday tushunish mumkin?!
Shu yerda yashovchilar umumiy foydalanishi uchun berilishi kerak bo‘lgan yerto‘ladan foydalana olmayotganliklarini aytishgan. Lekin bu yerni sotish Oliy sud tomonidan noqonuniy ekani tasdiqlangan.
Bir necha bor mazkur holat yuzasidan tegishli davlat organlariga murojaatlar qilingan. Hatto Oliy sud tomonidan bu masala aholi foydasiga hal qilingan”, — deyiladi xabarda.
Biroq keyinchalik qurilish tashkilotining Oliy sud raisiga murojaatidan so‘ng Oliy sud oldingi o‘zi qabul qilgan qarorini bekor qilgan va bu ish pudratchi tashkilot foydasiga hal qilib berilgan. Shundan keyin oradan bir hafta o‘tgach, fuqarolar Oliy sud raisi qabulida bo‘ladi. Oliy sud raisi bu masalani qayta o‘rganib chiqishini aytgan.
Izoh (0)